Behandling
Fedme - livstilssendring hos voksne, Bærum sykehus
Livsstilsbehandling skal hjelpe deg til å gjennomføre de endringene som trengs for å gå ned i vekt og oppnå varig stabilisering av vekten. En del av livsstilsbehandlingen er atferdsbehandling. Dette er nyttig for å sikre at du som pasient reduserer inntak av kalorier og opprettholder eller øker nivået av fysisk aktivitet.Intensiv livsstilsbehandling er basis for all vektreduserende behandling også før og etter vektreduserende kirurgi. Atferdsbehandlingen skal hjelpe deg til å gjennomføre endringer i din livsstil og opprettholde gode kost- og aktivitetsvaner. Målet er å oppnå vektreduksjon og varig vektstabilisering.
Før
Eit vellykka resultat av livsstilsbehandling krev at du som pasient er motivert og klar for endring av levevanane dine.
Før behandlinga bruker vi ein teknikk som blir kalla motiverande intervju.
Under
Åtferdsbehandling er ein viktig del av behandlinga som skal hjelpe deg til å endre og halde på nye kost- og aktivitetsvanar over tid. Den består av hyppig oppfølging både individuelt og i gruppe. Saman jobbar vi både med strategiar og tiltak i kvardagen og med konkrete mål.
Konkrete mål
Det lønner seg å sette heilt konkrete mål for ny åtferd som kan føre til ein varig vektreduksjon. Eit eksempel på dette er at du bestemmer deg for å gå ein rask 30-minuttars tur kvar dag uansett vær, men at du også bestemmer deg for ein konkret erstatning dersom det blir eit forferdeleg uvær.
Sjølvmonitorering
Før dei nye vanane er innarbeidd, kan det også vere viktig at du systematisk kartlegg matinntak, fysisk aktivitet og kroppsvekt, og at du bruker denne informasjonen som hjelp til å bli bevisst vanane dine og endre livsstil. Det er viktig at du tør å vege deg, og at du bruker desse resultata til å justere matinntak og fysisk aktivitet (sjølvmonitorering).
Stimuluskontroll
Det er viktig å forstå kva ytre faktorar (stimuli) som kan utløyse overeting, for eksempel lett tilgjengeleg sjokolade eller snacks på bordet. Jo meir svolten ein er, desto større er sjansen for at freistingane kan påverke vala dine. Eit eksempel er å gå i butikken når det er lenge sidan ein har ete.
Ein bør prøve å redusere eller fjerne freistingane eller lønne seg sjølv på andre måtar dersom ein klarer å la vere å forsyne seg.
Redusert kaloriinntak
Å redusere kaloriinntaket er den mest effektive metoden for å gå ned i vekt. Det finst mange ulike diettar, for eksempel lågfeitt-, lågkarbo-, høgprotein- og låg glykemisk indeks. Forsking har likevel vist at diettane ikkje gir forskjellige effektar på varig vekttap (over to år). God og varig vektreduksjon kan du oppnå ved å redusere kaloriinntaket med 500–1000 kaloriar per dag eller eit totalinntak på 1200–1800 kaloriar per dag.
Fysisk aktivitet
For å sikre eit varig vekttap er det viktig med regelmessig fysisk aktivitet, og det er aldri for seint å begynne. Det kan for eksempel vere å gå ein rask 30-minuttars tur kvar vekedag uavhengig av vær.
Etter
Mange har erfart at vektstabilisering etter vekttap er vanskeleg. Kroppen har ei rekke innebygde forsvarsmekanismar mot vekttap, og desse har gode metodar for å bringe vekta opp igjen. Dei som har gått mykje ned i vekt, blir meir svoltne, får meir lyst på usunn mat og får lågare forbrenning (spareblusseffekten). Dette gjer det mykje lettare å legge på seg igjen.
Du bør derfor legge ein god plan for kva som må til for å stabilisere vekta etter ein vellykka vektreduksjon. Dette inneber praktisk planlegging, oppfølging hos fastlegen og bruk av sosiale nettverk, venner og familie for å få støtte til livsstilsendringane som er nødvendige.
Å halde på gode levevanar etter vektreduksjon er ein livslang og krevjande prosess, og du bør førebu deg på at det kan bli vanskeleg i periodar. Dersom du får tilbakefall eller nye problem, kan du bli tilvist til sjukehuset på nytt.
Kontakt
Bærum sykehus
Medisinsk avdeling, Bærum sykehus
Kontakt Medisinsk avdeling, Bærum sykehus
Bærum sykehus
Sogneprest Munthe-Kaas vei 100
1346 Gjettum
Transport
Praktisk informasjon
Nyheter
Kurs
- Startkurs - Livsstilsendringsprogram for deg med sykelig overvektStartkurs er et livsstilsendringskurs for pasienter med sykelig overvekt og et obligatorisk ledd i den kirurgiske behandlingen av sykelig overvekt i Vestre Viken, Bærum sykehusStartkurs - Livsstilsendringsprogram for deg med sykelig overvektDato kommer